Aqtaýda páteriniń kiltin bala kútýshisine senip tapsyrǵan úı ıesi qundy dúnıelerinen aıyrylyp qalǵan, dep habarlaıdy Egemen.kz.
Úı ıesi óz aryzynda 2022 jyldyń 5 jeltoqsany men 5 qańtar aralyǵynda belgisiz tulǵa onyń úıinen altyn syrǵa men bilezikter, sondaı-aq 2 800 AQSh dollary men 140 myń teńge qarjysyn qoldy etkeni týraly jazǵan.
Osydan keıin krımınaldyq polısııa qyzmetkerleri 27 jastaǵy áıeldi anyqtap, ustaǵan.
Atalǵan derek QR QK-niń 188-baby «Urlyq» boıynsha Aqtaý qalasy PB sotqa deıingi tergep-tekserýdiń biryńǵaı tizilimine tirkeldi.