Túrkııa men Sırııadaǵy jer silkinisiniń tórtinshi kúni qaza tapqandar sany 21 myńnan asty, dep habarlaıdy Egemen.kz TRT telearnasyna silteme jasap.
Túrkııa vıse-prezıdenti Fýat Oktaı tabıǵı apattan qaza tapqandar sany 17 674-ke, jaralanǵandar sany 72 879-ǵa jetkenin aıtty.
Kórshiles Sırııada kem degende 3 377 adam qaza tapty. Eki elde opat bolǵandardyń jalpy sany 21 051-ge jetti.Eske salaıyq, buǵan deıin 6 aqpanda Túrkııanyń ortalyǵy men ońtústik-shyǵysynda, Sırııamen shekaralas jerde joıqyn jer silkinisi bolǵany habarlanǵan bolatyn. AQSh Geologııalyq qyzmeti málimetinshe, 7,8 baldyq jer silkinisi jergilikti ýaqyt boıynsha saǵat 04:17-de Gazıantep mańynda 17,9 shaqyrym tereńdikte tirkelgen. Sondaı-aq Túrkııanyń ár jerinde turǵyn úıler men tarıhı Gazıantep bekinisi qırady. Al Italııada Túrkııadaǵy jer silkinisinen keıin sýnamı qaýpi eskertildi.