Túrkııadaǵy Qazaqstan elshiligi atalǵan elde bilim alyp jatqan azamattaryna tótenshe jaǵdaıdyń saldarynan týyndaǵan máselelerge baılanysty úndeý jasady, dep habarlaıdy Egemen.kz.
«6 aqpanda Túrkııanyń Ońtistik-Shyǵys aımaǵynda bolǵan jer silkinisi saldarynan jaraqat alǵan azamattardyń sany artyp keledi. Osyǵan baılanysty Túrkııa prezıdenti eldegi joǵary oqý oryndary onlaın bilim berýge kóshiriletinin habarlady. Bul rette, memleket menshigindegi JOO-lardyń jataqhanalary zardap shekken azamattardy ýaqytsha ornalastyrý úshin paıdalanylatyn bolady. Aıta keteıik, Túrkııa bıliginiń bul habarlandyrýy jekemenshik páterde, jalǵa alynǵan páterde turyp jatqan stýdentterge qatysty emes. Túrkııada turyp, sabaqty onlaın jalǵastyra alady», delingen elshilik málimetinde.