Shyǵys Qazaqstanda qar kóshkininiń týyndaý qaýpine baılanysty «Qazseldenqorǵaý» ShQ fılıaly men oblystyq Tótenshe jaǵdaı departamentiniń mamandary kóshkinderdiń aldyn alý sharasyn júrgizip jatyr.
Osy ýaqytqa deıin «О́skemen-Samar» avtojolynda 95-102 kılometrde jarylys jumystary júrgizilip, nátıjesinde 1800 tekshe metr qar túsirildi. Mamandardyń aıtýynsha, eger jańbyr qardyń betine tússe, sondaı-aq qar jaýǵan kezde aýa temperatýrasy bir baǵytta nemese basqa baǵytta ózgerse nemese tóbelerdegi qatty boran qardy tasymaldasa, qar kóshkini qozǵala bastaıdy.
«Aldyn alý is-sharalary tótenshe jaǵdaılardyń týyndaýyn boldyrmaýǵa jáne kún saıyn kóptegen avtotehnıka ótetin avtojoldy qorǵaýǵa baǵyttalǵan. Ázirge oblysta kóshkin qaýpi saqtalýda. Jaqyn kúnderi qaýipti betkeılerde profılaktıkalyq jumystardy jalǵastyramyz», dedi «Qazseldenqorǵaý» ShQ fılıalynyń basshysy Omar Dúzgimbaev.
Bul oraıda mamandar ekstremaldy sport túrleriniń áýesqoılaryna taýǵa barýdan bas tartýdy, turǵyndarǵa aımaqtaǵy kóshkin qaýpi bar ýchaskelerde óte saq bolýdy usynady.