О́ńirdiń barlyq oqý oryndarynda lısenzııalanǵan kúzet agenttikteriniń qyzmetkerleri men oqytýshylar quramy kezekshilik etedi, dep habarlaıdy Egemen.kz.
Oblys bilim basqarmasynyń adamgershilik-rýhanı tárbıe jáne ózin-ózi taný bóliminiń basshysy Quralaı Gazımovanyń aıtýynsha, barlyq mektepterde muǵalimderdiń kezekshiligi uıymdastyrylyp, oqytýshylar quramymen de, oqýshylarmen de túsindirý jumystaryn júrgizildi.
«Barlyq mektepterde oqýshylardyń mektepke barýyn esepke alatyn arnaıy kúzet bar. Polısııa men qaýipsizdik agenttikteriniń jedel basqarý ortalyqtaryna qosylǵan dabyl túımeleri jumys isteıdi. О́tken jyly ýákiletti organdarmen oqý is-sharalary men túsindirý jumystary júrgizildi. Bul baǵyttaǵy jumys bıyl da jalǵasyn tabady», dedi Quralaı Ǵazımova.
Eske sala ketsek, 13 aqpanda Petropavl qalasyndaǵy №4 mektepte tótenshe jaǵdaı boldy. 9-synyp oqýshylarynyń biri mektepke balta men pyshaq ákelip, sabaq bastalmaı turyp orta mektep oqýshylaryna shabýyl jasaǵan. Oqıǵa saldarynan úsh oqýshy jaraqattandy, olardyń ekeýi jansaqtaý bólimine jatqyzyldy.