Jetisý oblysynyń eń kórikti mekenderiniń biri – Eskeldi aýdany. Bul óńir ártúrli sporttyq sharalar uıymdastyrýǵa óte yńǵaıly. Sondyqtan bolar, Qazaqstan qusbegiler federasııasy respýblıkalyq saıasatshylar saıysyn ótkizýge osy jerdi tańdapty.
Buǵan deıin bul saıys Almaty oblysynyń Narynqol óńirinde ótip kelse, bul joly Jetisý oblysynyń jeke shańyraq kóterý qurmetine oraı tuńǵysh ret uıymdastyrylyp otyr. Bul retki qusbegilerdiń HIV chempıonatyna Almaty, Túrkistan, Abaı, Atyraý, Mańǵystaý, Shyǵys Qazaqstan oblystary jáne Astana, Almaty qalalarynyń sportshylary qatysty.
Jarystyń ashylý saltanatynda sóz salǵan Jetisý oblystyq dene-shynyqtyrý jáne sport basqarmasynyń basshysy Almat Úshkempirov, halqymyzdyń baıyrǵy óneri salbýryn – saıatty damytý qaı jaǵynan bolsyn qajet ekenine toqtalyp, jarysqa qatysýshylarǵa sáttilik tiledi. Osylaı eki kúnge sozylǵan jarys qorytyndysy boıynsha, atyraýlyq qusbegi Imanǵalı Abdykárimuly chempıon atansa, qarshyǵa salýda Almaty oblysynyń ókili Seıitjan Beksultan úzdik dep tanyldy. Al ıtelgi baptaýdan Túrkistan oblysynyń ókili Músálim Salmanǵa teń keler eshkim bolmady. Osylaı Túrkistan oblysynyń qusbegileri 1 altyn, 1 kúmis, 2 qola medalǵa ıe bolsa, Atyraý jáne Almaty oblysynyń ókilderi bir-birden altyn medaldy jeńip aldy.
Alýa OSPANJAN,
Jetisý oblysy dene shynyqtyrý jáne sport basqarmasynyń baspasóz hatshysy