Bolgarııada dzıýdodan ashyq Eýropa kýbogi óz máresine jetti. Qorǵanys mınıstrligi Ortalyq sport klýbynyń áskerı qyzmetshisi leıtenant Ǵumar Qyrǵyzbaev 66 keli salmaqta kúmis júlde ıelendi, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Sportshylardyń bul týrnırge qatysýy 2024 jyly Parıjde ótetin Olımpıada oıyndaryna qatysý úshin reıtıngtik upaı jınaý turǵysynan mańyzdy.
Aqtyq synǵa shyǵar aldynda Ǵumar Qyrǵyzbaev Bolgarııa, Germanııa, Ulybrıtanııa jáne Italııa sportshylaryn jeńdi. Ǵumar Qyrǵyzbaev 9 mınýtqa sozylǵan sheshýshi jekpe-jekte ǵana ýkraınalyq Mıkıta Holoborodkoǵa ese jiberip, jeńis tuǵyrynyń ekinshi satysynan kórindi.
Jarysqa álemniń 46 elinen 396 dzıýdoshy qatysqanyn aıta ketken jón. Elimizdiń atynan 9 sportshy baq synady.