«Baıtaq» qujaty talapqa saı

Jıynǵa «Baıtaq» jasyldar par­tııasynyń ókilderi, oblys­tar­dyń, Astana, Almaty jáne Shymkent qalalarynyń aýmaqtyq saılaý komıssııalary beınekonferensııa rejiminde qosyldy jáne buqaralyq aqpa­rat quraldarynyń ókilderi qatysty. Sondaı-aq Bas prokýratýra, Ádilet, Ishki ister, Qar­jy mınıstrlikteriniń jaýap­ty laýazymdy tulǵalary, Eýro­padaǵy qaýipsizdik jáne yn­ty­maqtastyq uıymynyń De­mo­kra­tııalyq ınstıtýttar jáne adam qu­qyqtary bıýro­sy­nyń saılaý­dy baıqaý mıs­sııa­synyń ókili sha­qy­ryl­dy.

Ortalyq saılaý komıs­sııa­sy­nyń tóraǵasy Nurlan Ábdirov eli­miz­de tirkelgen 7 saıası partııa­nyń barlyǵy partııalyq tizimder boıynsha Parlament Májilisi depý­tat­tarynyń saılaýyna qaty­sý­ǵa jiberilgenin atap ótti. Sondaı-aq ol 7 aqpanda OSK-ǵa Parlament Májilisi depýtattaryn saılaýǵa partııalyq tizimdi usyný týraly «Baıtaq» jasyldar partııasynyń qujat­tary tapsyrylǵanyn eske saldy. Ortalyq saılaý komıs­sııasy saılaý zańnamasyna sáı­kes kandıdattardyń Kon­stı­­týsııa jáne Saılaý týraly Konstı­tý­sııalyq zańmen qo­ıy­­latyn talap­tar­ǵa sáıkes­tigin anyqtaý boıynsha tıisti rásimder júrgizdi.

Ortalyq saılaý komıs­sııa­synyń múshesi Sábıla Mustafına «Qazaqstan Respýb­lı­ka­syndaǵy saılaý týraly» Konstıtýsııalyq zańnyń 89-babyna sáıkes tirkeýge bir saıası partııadan bir ǵana tizim jiberiletinin, oǵan saıası partııalar arasynda bólinetin de­pý­tat­tyq mandattardyń bel­gi­lengen sanynyń 30 paıyzdan aspaıtyn adamdar sany engizilgenin habarlady. Par­tııa­lyq tizimde áıelder, jastar jáne múgedektigi bar adamdar sany jıyntyq bo­ıynsha oǵan engizilgen adam­dar­dyń jalpy sanynyń keminde 30 pa­ıy­zyn quraýǵa tıis. Belgili bolǵandaı, «Baıtaq» jasyldar partııasynyń 18 adamnan tura­tyn partııalyq tizimdi usyn­ǵan. Tizimdegi 6 kandıdat áıelder, jas­tar jáne múgedektigi bar adamdar sanatqa jatady, ıaǵnı talapqa sáıkes 38,9 paıyzdy quraıdy. Par­tııalyq tizimge engi­zilgen bar­lyq adam Konstıtýsııa men saılaý týraly Konstıtýsııalyq zań­nyń talaptaryna sáıkes kele­di. Sábıla Mustafına par­tııa­lyq tizimderdi usynǵan saıa­sı partııalar partııalyq tizim­ge engizilgen árbir adam úshin zańnamada belgilengen eń tó­mengi jalaqynyń on bes ese­lengen mólsherinde Ortalyq saılaý komıssııasynyń shotyna saılaý jarnasyn engizetinin habarlady. Parlament Májilisi depýtattarynyń aldyńǵy saılaýynda daýys berýge qatysqan saılaýshylardyń 5 jáne odan da kóp paıyzyn alǵan saıası partııalar saılaý jarnasyn tólemeıdi. 2021 jylǵy qań­tar­da ótken Parlament Máji­lisi depýtattarynyń saılaýy­­­na «Baıtaq» jasyldar partııasy qa­tys­qan joq. Osyǵan baılanys­ty atalǵan partııa 18 mln 900 myń teńge saılaý jarnasyn tóledi.

Komıssııa músheleri sáı­kes­tik­ti anyqtaý jáne tirkeý týraly tıisti hattamalarǵa qol qoı­ǵan­nan keıin «2023 jylǵy 19 naýryzǵa taǵaıyndalǵan Par­lament Májilisi depýtat­ta­rynyń kezekten tys saılaýynda «Baıtaq» jasyldar par­tııa­sy­nyń qoǵamdyq birles­ti­gi­niń partııalyq tizimin tirkeý týraly» qaýly qabyldady. Tir­kelgen kandıdattar tıisti kýá­lik­terin aldy.