Sınoptıkter 16-18 aqpanǵa arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» málimetinshe, frontaldy bólimderdiń áserinen respýblıkanyń jekelegen aýdandarynda qar jaýady. Elimizdiń ońtústigi men ońtústik-shyǵysynda jaýyn-shashyn, qar aralas jańbyr kútiledi.
16-18 aqpanda ońtústiktiń, ońtústik-shyǵystyń taýly aımaqtarynda qatty jaýyn-shashyn (jańbyr, qar) jaýady. Respýblıkanyń ońtústik jartysynda kóktaıǵaq qubylystary, taýly jáne taý bókterindegi aýdandarda tuman kútiledi. Respýblıkanyń soltústik jartysynda keıde jel kúsheıip, jaıaý burqasyn bolady.