Májilis saılaýynda úgit-nasıhat jumystaryn áleýmettik jelide zań talaptaryn saqtamaı júrgizgen azamattarǵa ákimshilik jaza qoldanylady. Bul týraly OSK baspasóz qyzmeti habarlady, dep jazady Egemen.kz.
OSK habarlaǵandaı, saılaýaldy úgit-nasıhat materıaldaryn áleýmettik jeli paraqshalarynda jarııalaý úshin paraqsha ıesi BAQ sııaqty 14 aqpanǵa deıin Ortalyq saılaý komısııasyna, aımaqtyq saılaý komıssııalaryna aqparattyq habarlama praısyn jiberip, saıttaryna tirkelýi tıis.
Sonymen qatar, eger qoldanýshy qandaı da bir úmitker týraly post jazsa, úmitker saılaýdan shettetilmeıdi, posttyń avtoryna ákimshilik jaza qoldanylady.
«Avtor tek óziniń pikirin jaza alady. Eger materıal óz pikiri esebinde jazylsa, ol kezde jaýapkershilik qarastyrylmaıdy. Al, eger kandıdattyń tapsyrýymen berilgen materıal bolsa ol kezde jaza qoldanylady», dedi OSK baspasóz qyzmeti.
Sondaı-aq qarjylandyrý máselesi bolmaýy qajet.
«Mysaly vıdeorolıkter nemese úgit júrgizetin materıaldarǵa qarjy bólinse, ol kezde de jaza qarastyrylady. Kandıdantpen kelisimshart boıynsha jumys istegisi kelgen adam óz usynysyn OSK-ǵa jiberýi tıis», dedi vedomstvodan.
Saılaý aldyndaǵy úgit júrgizý quqyǵy týraly QR Saılaý týraly zańynyń 28-baby birinshi tarmaǵynda jazylǵanyn atap ótý kerek.