Usaq buzaqylyq TikTok áleýmettik jelisine monıtorıng jasaý kezinde anyqtaldy, dep habarlaıdy Egemen.kz.
Oblystyq polısııa departamentiniń málimetinshe, monıtorıng barysynda polısııa Novoıamyshevo aýylynyń turǵynynyń tikeleı efırge shyǵý kezinde dóreki jáne ádepsiz sózderdi qoldanǵany anyqtalǵan.
«Usaq buzaqylyq jasaǵany úshin 25 jastaǵy quqyq buzýshyǵa qatysty QR ÁQBtK-niń 434-baby 1-bóligi boıynsha ákimshilik hattama jasaldy. Materıal sotta qaraldy, qaýly boıynsha aýyl turǵyny 10 AEK mólsherinde aıyppul túrinde ákimshilik jaýapkershilikke tartyldy», dedi Pavlodar aýdany polısııa bóliminiń bastyǵy Dýlat Tókenov.
Jyl basynan bastap Pavlodar polıseıleri 140-qa jýyq usaq buzaqylyq faktileriniń jolyn kesken.