Sınoptıkter 18 aqpanǵa arnalaǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimetinshe, skandınavııalyq sıklon men onymen baılanysty atmosferalyq frontaldy ýchaskelerdiń áserinen Qazaqstannyń basym bóliginde aýa raıy turaqsyz bolady, burqasynmen birge qar jaýady.
Sınoptıkterdiń boljaýynsha, ońtústik-batysta, ońtústikte, ońtústik-shyǵysta qar jaýyp, kóktaıǵaq bolady.
El aýmaǵynda jel kúsheıip, tuman túsedi.
Almaty, Jetisý oblystarynyń taýly jáne taý bókterindegi aımaqtarynda qatty jaýyn-shashyn (jańbyr, qar) boljandy. Jambyl oblysynyń taýly aımaqtarynda túnde qatty qar jaýady.