Qazaqstanda áleýmettik mańyzy bar azyq-túlik ónimderi qymbattady, dep habarlaıdy Egemen.kz.
7-14 aqpan aralyǵynda baǵalar 0,3%-ǵa, al jyl basynan beri 2,4%-ǵa ósti.
Máselen, kúrish baǵasy ótken jyly 44,8%-ǵa ósti. Baǵa 2021 jyldyń tamyzynda óse bastaǵan. Qazaqstannyń Ulttyq banki buǵan sebep retinde Reseı tarapynan suranystyń artqanyn atap ótti.
«Azyq-túlik taýarlarynyń arasynda Reseı tarapynan suranystyń artýyna baılanysty nan-toqash ónimderi men jarmalar, onyń ishinde kúrish baǵasy qymbattady. Eldiń ońtústik aımaqtaryndaǵy salqyndaý jemis-kókónis ónimderiniń qymbattaýyna áser etti», delingen Ulttyq banki taratqan habarlamada.
2022 jyly Qazaqstannyń kúrish eksportynan túsetin tabysy 36,9%-ǵa, ıaǵnı 52,9 mln-ǵa deıin ulǵaıdy. Aıta ketsek, Qazaqstanda óndirilgen kúrishtiń árbir tórtinshi tonnasy Reseıge satyldy.