Túrkııanyń Kahramanmarash provınsııasynda bolǵan eki jer silkinisinen kóz jumǵandar sany 40 642 adamǵa jetti, dep habarlaıdy Egemen.kz Anadoly agenttigine silteme jasap.
Bul týraly Túrkııa úkimeti janyndaǵy tabıǵı apattarmen jáne tótenshe jaǵdaılarmen kúres departamentiniń (AFAD) basshysy Iýnýs Sezer málimdedi.
Onyń aıtýynsha, apat aımaǵyndaǵy izdestirý-qutqarý jumystary búgin, 19 aqpanda aıaqtalady.
«Qazir izdeý-qutqarý jumystaryna 13 myńǵa jýyq adam qatysýda. Shetelden kómekke kelgenderge shyn júrekten alǵys aıtamyn. 80 elden kelgen qutqarýshylardyń bir bóligi otanyna oraldy», dedi AFAD basshysy.