Jaqynda Sırııada jer silkinisi kezinde úıindi astynan jańa týǵan sábı qutqarylǵan bolatyn. Otbasynan túgel aıyrylǵan náresteni jaqyn týystary asyrap aldy, dep habarlaıdy Egemen.kz.
Qulaǵan ǵımarattardyń úıindisi astynda dúnıege kelgen balany tátesi men aǵasy asyrap aldy.
Qutqarýshylardyń balany alyp shyqqan sáti jelide tez tarap, myńdaǵan adam ony asyrap alǵysy keletinin aıtqan. Biraq dárigerler Aıa tek týystaryna beriledi degen edi. DNQ saraptamasy nátıjesinde asyrap alǵysy keletin áıeldiń týysy ekeni rastalyp, náresteni aýrýhanadan alyp ketti. Dárigerler onyń densaýlyǵy jaqsy ekenin aıtty.
«Ata-anasynyń, baýyrlarynyń artynda qalǵan jalǵyz kóz osy Aıa ǵana. Ol endi meniń balalarymnyń biri. Ony eshqaısysynan bóle jarmaımyn. Ol erekshe bala», dedi asyrap alǵan áıeldiń kúıeýi Halıl ál-Savadı.