Elordada kommýnaldyq qyzmetter qalany qardan tazartý boıynsha táýlik boıy jumys istep jatyr. 21 aqpan kúni tústen keıin qar kúreý jumysyna eki myńnan astam jol jumysshysy jumyldyryldy, dep habarlaıdy Egemen.kz.
Elorda ákimdiginiń málimetinshe, 21 aqpanǵa qaraǵan túni elordadan 16 myń tekshe metrden astam qar nemese 1244 reıs shyǵarylǵan. Tańerteńnen bastap elordanyń kósheleri men joldaryn tazartýǵa eki myńnan astam jol jumysshysy men 1000-nan astam arnaıy tehnıka jumyldyrylǵan.
«Qys mezgiliniń basynan beri qaladan 3,3 mıllıon tekshe metrden astam qar shyǵaryldy, ol úshin qar polıgondaryna 269 703 reıs jasaldy», delingen habarlamada.
Esterińizge sala keteıik, «Qazgıdromettiń» boljamy boıynsha búgin de qar jaýady. 21 aqpanda elordada kóshpeli bult shyǵyp, túnde jáne tańerteń qar, boran bolady dep kútiledi. Joldarda kóktaıǵaq bolýy múmkin. Sonymen qatar qalada ońtústik-batystan, ońtústikten sekýndyna 9-14 metr jel kútiledi.
Qala turǵyndary men qonaqtarynan saq bolýdy, kóktaıǵaq kezinde qozǵalys erejelerin saqtaýdy suraımyz. Kólik júrgizý kezinde jyldamdyq rejımi men qashyqtyqty qatań saqtaý qajet.