18 aqpan kúni Qostanaı oblysynda 40 jasar er adam qaıtys boldy. Polısııa qyzmetkerleri onyń ólimine óz týysy sebepker bolýy múmkin ekenin aıtady, dep habarlaıdy Egemen.kz IIM baspasóz qyzmetine silteme jasap.
«18 aqpan kúni tańǵy saǵat 05:00 shamasynda aýdandyq aýrýhanaǵa bas jaraqatyn alǵan 40 jastaǵy er adam jetkizildi. Ol aýrýhananyń jansaqtaý bóliminde qaıtys boldy», dep jazylǵan habarlamada. Belgili bolǵandaı, oqıǵa bolǵan kúni jábirlenýshiniń úıine 23 jastaǵy alys týysy kelgen. Kenet olardyń arasynda janjal týyndap, 40 jastaǵy er adam aýrýhanaǵa túsken.Kúdikti qylmys ornynda ustaldy. Quzyrly organdar QR QK 99-baby 1-bóligi «Kisi óltirý» boıynsha sotqa deıingi tergep-tekserýdi bastady.