О́tinish berýshiniń tabysy 40 AEK-ten az bolmaýǵa tıis, dep habarlaıdy Egemen.kz informburo.kz saıtyna silteme jasap
Ashyq NQA portalynda jumys istep júrgen jastarǵa satyp alý quqyǵynsyz jalǵa beriletin turǵyn úı berý qaǵıdalaryna ózgeris engizý týraly buıryq jobasy jarııalandy.
Joba ázirleýshileri 2020-2025 jyldarǵa arnalǵan «Nurly jer» memlekettik baǵdarlamasynyń kúshi joıylǵandyqtan, satyp alý quqyǵynsyz páter jaldaıtyn jumysshy jastarǵa qoıylatyn talaptardy bekitý qajet deıdi. Onymen qosa 2023 jyldan bastap 35 jasqa deıingiler «jastar» sanatyna kirdi.
Jastarǵa qandaı talaptar qoıylady?Jobada negizgi talaptar jazylǵan. Olar:
35 jasqa tolmaǵan, orta jáne joǵary bilimi bar jumys isteıtin QR azamattary; sol eldi mekende keminde sońǵy úsh jyl turaqty tirkelgen; otbasy músheleri osy eldi mekende turaqty tirkelgen; QR aýmaǵynda, avarııalyq jaǵdaıdaǵy, qulaý (qıraý) qaýpi bar turǵyn úılerdi qospaǵanda, ótinish berýshiniń, jubaıynyń (zaıybynyń), kámeletke tolmaǵan balalarynyń menshik quqyǵynda ótinish bergenge deıin sońǵy bes jyl ishinde turǵyn úıdiń bolmaýyn rastaý. Konkýrs qandaı kezeńderden turady?Konkýrs bes kezeńnen turady:
ýákiletti organ jumys istep júrgen jastarǵa satyp alý quqyǵynsyz jalǵa beriletin turǵynjaı berý týraly habarlandyrý jasaıdy; habarlandyrýda kórsetilgen merzimderde ótinishter qabyldanady; ýákiletti organ qujattardyń talaptarǵa sáıkestigin tekseredi; ýákiletti organ satyp alý quqyǵynsyz jalǵa beriletin turǵynjaı berý týraly sheshim qabyldaıdy; oblystyń, respýblıkalyq mańyzy bar qalanyń jáne astananyń jergilikti atqarýshy organ ótinish berýshimen turǵynjaıdy jaldaý shartyn jasasady. Konkýrsqa qatysýǵa qandaı qujattar qajet?О́tinish berýshi ýákiletti organǵa kelesi qujattardy usynady:
О́ziniń jáne otbasy músheleriniń jeke basyn kýálandyratyn qujattyń kóshirmeleri (túpnusqa jeke basyn sáıkestendirý úshin usynylady); bilimi týraly qujattyń kóshirmesi; Neke qııý týraly kýáliktiń kóshirmesi (bolsa); Balalardyń týý týraly kýálikteriniń kóshirmesi (bolsa); О́tinish berýshi men onyń otbasy músheleriniń atynda jyljymaıtyn múlik joqtyǵy týraly anyqtama; jumys ornynan anyqtama; Sońǵy 6 aıdaǵy tabysy týraly anyqtama: tabysy 40 AEK-ten (138 myń teńge) kem jáne 150 AEK-ten (517 500 teńge) aspaýǵa tıis. Eńbek ótilin rastaıtyn qujattar; Bankte esepshotynyń bolýy jáne nómiri týraly anyqtama, oǵan qosa banktegi shoty boıynsha aqshanyń qaldyǵy jáne qozǵalysy týraly úzindi kóshirme; О́tinish berýshiniń túrli qyzmet salalaryndaǵy jeke jetistikterin rastaıtyn qujattar (bolsa); Sońǵy 6 aıdaǵy jeke zeınetaqy shotynan úzindi kóshirme; Jeke kásipker bolsa jeke kásipker retinde tirkelgeni týraly habarlama (kýálik); Jeke kásipker retindegi qyzmettiń sońǵy jylyndaǵy tabys salyǵy boıynsha deklarasııa.Qajet bolǵan jaǵdaıda ýákiletti organ ótinish berýshi jáne onyń otbasy músheleri týraly málimetterdi naqtylaý úshin qosymsha qujattardy suratady.
О́tinish pen qujattar ýákiletti organǵa memlekettik organdardyń ınternet-resýrstarynyń biryńǵaı platformasy arqyly beriledi.
Qujattardy qaraý men sheshim shyǵarý qansha ýaqytty alady?Qujattardy qabyldaý aıaqtalǵan soń soń ýákiletti organ 15 jumys kúni ishinde (qazir bes jumys kúni) qujattardyń tolyq jáne talaptarǵa sáıkestigin tekseredi. Buryn bes jumys kúni ishinde tekseretin.
О́tinish berýshi qujattardy tolyq ótkizbese oǵan joq qujattardy usyný týraly habarlama jiberiledi. Joq qujattardy eki jumys kúni ishinde tapsyrmasa ýákiletti organ ótinishti qaıtarady.
О́tinish berýshi talaptarǵa sáıkes kelmese ýákiletti organ satyp alý quqyǵynsyz jalǵa beriletin turǵynjaı berýden jazbasha túrde bas tartady. Hatqa qol qoıylǵanǵa deıin úsh jumys kúninen keshiktirmeı habarlama jiberiledi. О́tinish berýshi hatty alǵannan keıin eki jumys kúninen keshiktirmeı sheshimge qarsy ekenin bildire alady.
Ýákiletti organ 15 jumys kúni ishinde (qazir 10 jumys kúni) baldardy eseptep, eń kóp ball sany boıynsha ótinish berýshilerdiń tizimin jasaıdy.
Ýákiletti organ sheshim shyǵarǵannan keıin bes jumys kúni ishinde irikteý nátıjelerin óziniń ınternet-resýrsynda jarııalaıdy, sondaı-aq ótinish berýshilerge qabyldanǵan sheshim týraly habarlama jiberedi.
Satyp alý quqyǵynsyz jalǵa beriletin turǵynjaı alǵan azamattar shart negizinde turǵyn úılerge jiberiledi.
Ýákiletti organ sheshim qabyldaǵannan keıin 15 kúntizbelik kún ishinde ótinish berýshi men ýákiletti organ arasynda shart jasalady.
Ball qalaı esepteledi?Ball kelesi tártippen esepteledi:
kásibi 100 suranysqa ıe mamandyqtar tizimine kirse – 10 ball; otbasyly bolsa – 5 ball; bir bala bolsa – 1 ball, odan keıingi ár bala úshin – 2 ball; keminde bir jyl jeke kásipkerlik qyzmetti júzege asyrsa – 5 ball, ár jyl úshin – 1 ball; túrli qyzmet salalarynda jeke jetistikter úshin – 2 ball; memlekettik mekemeler men memlekettik kásiporyndarda jumys istegeni úshin – 5 ball, ár jyldaǵy eńbek ótili úshin – 1 ball; depozıtterdegi jınaqtarynyń árbir jyly úshin jáne shotta keminde 40 AEK qaldyq bolsa – 2 ball.Baldar teń tússe ótinimdi burynyraq tapsyrǵan úmitkerlerge artyqshylyq beriledi.
Buryn nekede tirkelgen árbir jyl úshin 2 ball beriletin. Jobada bul joq.
Joldama alǵan jastarǵa beriletin páter aýdany qalaı anyqtalady?Bólinetin turǵyn úıdiń jalpy aýdany konkýrs qorytyndysy boıynsha qoıylǵan baldar jáne ótinish berýshiniń balalarynyń sany boıynsha aıqyndalady.
Satyp alý quqyǵynsyz jalǵa beriletin turǵyn úıdiń:
60%-y – nekede turǵan ótinish berýshilerge; 40%-y – nekede turmaǵan ótinish berýshilerge beriledi. Páterdi qansha ýaqyt jalǵa alyp turýǵa bolady?Buıryq jobasynda páterler satyp alý quqyǵynsyz úsh jylǵa jalǵa beriletini jazylǵan. Qoldanystaǵy buıryq boıynsha bes jylǵa berildi.