Sınoptıkter 23-25 aqpanǵa arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, ylǵaldy Atlant sıklony soltústik-shyǵysqa qaraı jyljı otyryp, qar aralas jaýyn-shashyndy alyp keledi. Al 25 aqpanda Qazaqstan aýmaǵyna batystan sýyq antısıklon jyljıdy. Ol aýa temperatýrasynyń tómendeýine ákeledi. Respýblıkanyń ońtústigi men ońtústik-shyǵysynda frontaldy bólikterdiń ótýimen 25 aqpanda túnde jaýyn-shashyn jaýady, keı jerlerde kóktaıǵaq bolady. Respýblıkada tuman, ekpindi jel kútiledi, respýblıkanyń soltústik jartysynda azdaǵan qarly boran soǵady. 24 aqpanda kúndiz respýblıkanyń ońtústiginde naızaǵaı kútiledi.
«Respýblıkanyń batysynda aýa temperatýrasynyń birtindep tómendeýi túnde 0-15 aıazdan 5-23 aıazǵa deıin, soltústik-batysta 7-15 aıazdan 17-28 aıazǵa deıin, soltústikte jáne ortalyqta 1-13 aıazdan 13-25 aıazǵa deıin kútiledi. Shyǵysta 0-13 aıazdan 6-2 jyly bolady. Respýblıkanyń ońtústiginde, ońtústik-shyǵysynda túnde 0-8 jyly, taýly aımaqtarda ońtústik aımaqtarda 2-10 aıazdan 0-5 aıazǵa deıin, ońtústik-shyǵystyń taýly aımaqtarynda 5-13 aıaz, kúndiz 7-21 gradýs jylydan 6-7 gradýs aıazǵa deıin kúrt tómendeıdi», delingen «Qazgıdromet» habarlamasynda.