Túrkııada bolǵan eki joıqyn jer silkinisinen keıin 16 kún ótti. Jergilikti qutqarýshylar qıraǵan úıde 16 kún boıy turǵan 90 jastaǵy keıýana men onyń 70 jastaǵy ulyn taýyp, qaýipsiz jerge kóshirgen, dep habarlaıdy Egemen.kz.
Hanıfı Akgıýn men Gýllý Akgıýn Malatııa qalasynda ornalasqan 14 qabatty ǵımarattyń 11-qabatynda turǵan. Jer silkinisi bolǵan kezde olar densaýlyǵyna baılanysty páterden shyǵa almaǵan. Qutqarýshylar qıraǵan úıde adamdardyń baryn bilip, anasy men ulyn evakýasııalaǵan. Hanıfı Akgıýn qıyn jaǵdaıǵa qaramastan, naýqas anasyna eki apta boıy kútim jasaǵanyn aıtty.
Eske sala ketsek, 6 aqpanda Túrkııanyń ońtústik-shyǵysynda 7,7 jáne 7,6 balldyq eki joıqyn jer silkinisi boldy. Sońǵy málimetter boıynsha, tabıǵı apat saldarynan 42 myńnan astam adam qaıtys bolǵan.