Keıingi jyldary Qazaqstan áýejaılarynda qarý-jaraq, travmatıkalyq qarý, atys qarýy men patrondardy, jarylǵysh zattar men jarylǵysh qurylǵylardy, gazben atylatyn qarýlardy, oq-dárilerdi alyp ótý faktileriniń paıyzdyq mólsheri artyp keledi, dep habarlaıdy Egemen.kz Almaty qalasy Avıasııalyq kólik prokýratýrasy baspasóz qyzmetine silteme jasap.
«Qazaqstan Respýblıkasynyń aýmaǵynda qarý-jaraq aınalymy «Jekelegen qarý túrleriniń aınalymyna memlekettik baqylaý jasaý týraly» zańy, «Jolaýshylarǵa azamattyq áýe kemelerinde tasymaldaýǵa tyıym salynǵan qaýipti zattar men buıymdardyń, sondaı-aq esirtkiniń barlyq túrleriniń tizbesin bekitý týraly» QR Úkimetiniń №317 qaýlysy jáne ózge de zańdarmen retteledi», delingen prokýratýra habarlamasynda.
Tyıym salynǵan zattardyń tasymaly úshin kózdelgen jaza túrleri:
ÁQBT Kodekstiń 482-baby «Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaly - 20 AEK aıyppul; ÁQBT Kodekstiń 484-baby «Azamattyq jáne qyzmettik qarý aınalymy qaǵıdalaryn buzý» - 10 AEK aıyppul; QR QK 287-babyna sáıkes «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» - múlki tárkilenip nemese onsyz, 5 000 AEK aıyppul salýǵa ne sol mólsherde túzeý jumystaryna ne 5 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.