О́ńirlerde qalalardy keshendi qurylys salý standarttaryna beıimdeý sheńberinde shaǵyn sáýlet túrleri men abattandyrý tásilderin qoldana otyryp, respýblıkalyq mańyzdaǵy qalalardyń, oblys ortalyqtary men halyq sany 100 myńnan asatyn iri qalalardyń dızaın jobalaryn daıyndaý jumystary qolǵa alyndy, dep habarlaıdy Egemen.kz IIDM baspasóz qyzmetine silteme jasap.
Dızaın-kody jergilikti jerdiń ereksheligi men uqsastyǵyn eskere otyryp, qalalyq keńistiktiń birtutas kórinisin anyqtaý arqyly ony ózgertýge múmkindik beredi. Bul rette dızaın-kodyn daıyndaý jumysyna ǵımarattardyń qasbetin árleý, ınfraqurylym júıelerine dızaın elementterin engizý, sondaı-aq jekelegen fýnksıonaldy aımaqtarǵa, abattandyrý, kógaldandyrý jáne navıgasııa júıeleri men mańdaıshalarǵa konseptýaldy sheshimder men tásilderdi qoldanýdy qamtıtynyn aıta keteıik.
Aıta ketsek, Astana, Almaty jáne Aqtóbe qalasynyń dızaın-kody ázirlengen. Qalǵan qalalardyń dızaın-kodtary jańa standarttarǵa sáıkes daıyndalyp jatyr.
Osy oraıda dızaın-kody stılıstıkalyq turǵydan birtutas, jaıly jáne qaýipsiz qalalyq ortany nemese keńistikti qolaıly qalyptastyrýǵa múmkindik beretin erejeler, talaptar men usynystardyń jıyntyǵy sanalatynyn aıta ketken oryndy.