Búgin Irannyń ońtústiginde 5,3 baldyq jer silkinisi tirkeldi, dep habarlaıdy Egemen.kz Rıa Novostı saıtyna silteme jasap.
Eýropalyq-Jerorta teńizi seısmologııalyq ortalyǵy (EMSC) usynǵan málimetke sáıkes, búgin Irannyń ońtústiginde jergilikti ýaqyt boıynsha 06:05-te (Astana ýaqyty boıynsha 12:05-te) magnıtýdasy 5,3 bolatyn jer silkinisi tirkelgen.
EMSC-tiń habarlaýynsha, zilzala oshaǵy 352 myń turǵyny bar Bender-Abbas qalasynan soltústik-batysqa qaraı 113 shaqyrym jerde, 10 shaqyrym tereńdikte ornalasqan. Zardap shekkender týraly aqparat joq.
Esterińizge sala keteıik, dúısenbi, 20 aqpan kúni Túrkııanyń Sırııamen shekaralas Hataı provınsııasynda magnıtýdasy 6,4 jáne 5,8 bolatyn taǵy eki jer silkinisi tirkeldi. Jerasty dúmpýi kórshiles Sırııaǵa da zalal keltirgen. Sońǵy málimetter boıynsha qaıtalanǵan zilzala saldarynan eki elde qaza tapqandar sany 10-nan asqan.