Otandyq serıaldardyń kontentin kásibı turǵydan baǵalaıtyn «Nauryz» Ulttyq báıgesi 2023 jyly Aqparat jáne qoǵamdyq damý mınıstrliginiń qoldaýymen alǵash ret ótkiziledi, dep habarlaıdy Egemen.kz.
Nauryz-awards.kz saıtynda «Nauryz» Ulttyq telehıkaıalar báıgesine qatysýǵa ótinim qabyldaý bastaldy.
О́tinim berý 2023 jyldyń 15 naýryzyna deıin jalǵasady.
Báıgege 2021 jylǵy 1 qańtar – 2022 jylǵy 31 jeltoqsan aralyǵynda qazaqstandyq telearnalardyń efırinde, YouTube jáne basqa da platformalarda kórsetilgen serıaldar qatysa alady.
Konkýrstyq ótinimderdi respýblıkalyq jáne aımaqtyq televızııalyq habar taratý kompanııalary, stýdııalar, prodıýserlik ortalyqtar jáne serıaldardy óndiretin medıa ındýstrııanyń basqa da uıymdary bere alady.
Konkýrs 13 nomınasııa boıynsha ótedi:
1. Úzdik tarıhı serıal2. Úzdik dramalyq serıal3. Úzdik komedııalyq serıal4. Úzdik veb-serıal5. Úzdik akter6. Úzdik aktrısa7. Ekinshi plandaǵy úzdik akter8. Ekinshi plandaǵy úzdik aktrısa9. Úzdik rejısser10. Úzdik ssenarıst11. Úzdik qoıýshy-operator12. Úzdik montaj13. Úzdik saýndtrek
Báıgeniń negizgi maqsaty – serıaldyq kontentti damytýdy qoldaý, otandyq jáne halyqaralyq onlaın platformalarda qazaqstandyq telehıkaıalardy kórermen arasynda tanymal etý.
Jeńimpazdar naýryz aıynda belgili bolyp, olarǵa NAURYZ arnaıy músinshesi jáne 1 mıllıon teńge kólemindegi syıaqy tabystalady.