Áleýmettik jelide Atyraýdaǵy №8 qalalyq mekteptiń oqýshylary men muǵalimderi «Maslenısa» merekesin atap ótý úshin mektep aýlasynda ot jaqqan vıdeo tarady, dep habarlaıdy Egemen.kz.
Atalǵan oqıǵaǵa qatysty Atyraý oblysy ákiminiń orynbasary Jasulan Bısembıev Instagram-da tikeleı efırde túsinikteme berdi. Onyń aıtýynsha, mundaı is-sharany mektepte ótkizýge bolmaıdy.
«Dinı sıpaty bar is-shara mekteptiń bazasynda ótken. Biraq qaýipsizdikti saqtaý úshin tótenshe jaǵdaılar organdarynan eshqandaı kelisim almaǵan. Atyraý qalalyq bilim bólimine de habarlanbaǵan. Mekteptiń dırektory ata-analar usynysyn qoldap, bilim ordasynyń aýlasynda alaý jaǵýǵa ruqsat bergen. Osyǵan baılanysty mektep dırektoryna qatań sógis berildi», dedi Jasulan Bısembıev.