25 aqpanda Premer-mınıstr Álıhan Smaıylovtyń tóraǵalyǵymen ótken keńeste ishki naryq úshin taýarlyq gaz óndirisin ulǵaıtý jónindegi josparlar qaraldy, dep habarlaıdy Egemen.kz Úkimettiń baspasóz qyzmetine silteme jasap.
Qatysýshylar Qashaǵan ken ornynda jańa jobalardy iske asyrý, atap aıtqanda qýaty 1 mlrd m3 gaz óńdeý zaýytyn salý máselelerin talqylady. Qazirgi ýaqytta ol jerde qurylys-montajdaý jumystary belsendi túrde júrgizilýde, qajetti jabdyqtarmen qamtamasyz etilip otyr. Kásiporyn 2025 jyly iske qosylady.
Oǵan qosa ken ornynda munaı óndirý kólemin ulǵaıtý aıasynda qýaty 4 mlrd m3 bolatyn taǵy bir iri gaz zaýytynyń qurylysy pysyqtalyp jatyr. Jobany eki kezeńde, ıaǵnı 2 mlrd m3-den eki jeli boıynsha iske asyrý josparlanǵan.
Premer-mınıstr daıyndyq jumystaryn jedeldetip, jaqyn arada jańa gaz zaýyty boıynsha Jol kartasyna qol qoıý qajettigin atap ótti.
Sonymen qatar keńeste gaz tranzıti men ımportynyń keıbir máseleleri qaraldy.