2022 jyly Qazaqstannan shetelge aqsha aýdarymdary júıesi (AAJ) arqyly jiberilgen qarajat kólemi 1 trln teńgeden asqan, dep habarlaıdy Egemen.kz ranking.kz saıtyna silteme jasap.
Bul 2021 jyldyń sáıkes kezeńimen salystyrǵanda 2,7%-ǵa artyq. Osy rette aıta ketý kerek, Qazaqstannan shetelge aýdarylatyn qarjynyń jyldyq kólemi ekinshi jyl qatarynan 1 trln teńgeden asyp otyr. Bul rette tranzaksııalar sany 2,6 mln-nan 2,5 mln-ǵa deıin azaıdy. Iаǵnı shetelge bir aýdarym boıynsha ortasha túbirtektegi san 2021 jyly 391,5 myń teńgege teń bolsa, 2022 jyly 415,3 myń teńgege kóbeıgen.
Qazaqstannan aýdarylǵan barlyq aýdarymdardyń jartysynan kóbi О́zbekstan men Túrkııaǵa jiberilgen. О́zbekstanǵa 289,8 mlrd teńge (2021 jylǵy qańtar–jeltoqsanǵa qaraǵanda 2,9%-ǵa az), Túrkııaǵa 271,9 mlrd teńge (2021 jylǵa qaraǵanda 28,9%-ǵa kóp) jóneltildi. Reseıge de qomaqty qarjy jiberilgen: 196 mlrd teńge, bul 2021 jylmen salystyrǵanda 10,6%-ǵa kóp.
Qazaqstannan jóneltilgen aqsha kólemi boıynsha alǵashqy 5 eldiń qataryna Qyrǵyzstan (73,9 mlrd teńge) jáne Grýzııa (70,9 mlrd teńge) kirdi, al byltyrǵymen salystyrǵanda Qyrǵyzstanǵa aýdarym kólemi eki esege jýyq azaısa, Grýzııaǵa kerisinshe 2,2 ese ósken.