Túrkııanyń shyǵys aımaǵynda magnıtýdasy 5,2 bolatyn taǵy bir jer silkinisi boldy, dep habarlaıdy Egemen.kz.
Eýropa-Jerorta teńizi seısmologııalyq ortalyǵynyń saıtynda jarııalanǵan aqparatqa sáıkes, jer asty dúmpýleri jergilikti ýaqyt boıynsha tańǵy saǵat 9-da tirkelgen. Jer silkinisiniń oshaǵy 5 shaqyrym tereńdikte boldy.
Seısmologtar jer silkinisiniń kúshin 5,2 ball dep baǵalady. Jańa jer silkinisinen zardap shekkender týraly ázirge aqparat joq.
Búgin Túrkııadan bólek Qytaı men Qyrǵyzstan shekarasynda da eki ret jer silkindi. Jerasty dúmpýleri Tájikstanda sezildi.