Italııada keme apatqa ushyrap 59 adam qaza tapty. Olardyń ishinde 12 bala bar, dep habarlaıdy Egemen.kz.
Keme Kroton mańyna toqtaýǵa tyrysqan kezde, qatty daýyldyń áserinen apatqa ushyraǵan.
Bortta Aýǵanstan, Pákistan, Somalı jáne Irannan kele jatqan mıgranttar bolǵan. Italıandyq sheneýnikterdiń aıtýynsha, qaıtys bolǵandardyń arasynda náreste bar. Oqıǵa ornyna kelgen ishki ister mınıstri Matteo Pıantedozı 30-ǵa jýyq adamnyń joǵalyp ketkenin aıtty.
Qaza tapqandardyń máıiti Kalabrııa aımaǵyna jaqyn mańdaǵy teńiz kýrorty jaǵajaıynan tabyldy. Jaǵalaý kúzetshileri 80 adamnyń aman-esen tabylǵanyn habarlady. Mıgranttar Túrkııadan Italııaǵa baǵyt alǵan. Keme daýyldy aýa-raıynyń kesirinen jartasqa soǵylyp, sýǵa batyp ketken. Áleýmettik jelide taraǵan beınejazbadan kemeniń synyqtaryn kórýge bolady.
Qazirgi ýaqytta izdeý-qutqarý jumystary júrip jatyr.
«Kemede 200 adam bolǵan bolýy múmkin. 60 adam áli tabylǵan joq», deıdi qutqarýshylar.
">