Germanııanyń Kotbýs qalasynda sporttyq gımnastıkadan álem kýboginiń kezeńdik saıysy aıaqtaldy. Bul jarysta Qazaqstan quramasyna jalǵyz júlde buıyrdy.
«At» jattyǵýy boıynsha ótken básekede 14,800 upaı jıǵan Narıman Qurbanov qola medaldi moınyna ildi. Ol tek ózbekstandyq Abdýlla Azımov (14,866 upaı) pen armenııalyq Gagık Hachıkıannan (14,833 upaı) qalyp qoıdy. О́zge saıys túrleri jaıynda aıtar bolsaq, qalyń kórermen qoldy tirep jattyǵýyn qyzyǵa tamashalady. О́ıtkeni, bul básekede ataqty Oksana Chýsovıtına óner kórsetti. Kezinde KSRO men Germanııanyń namysyn qorǵaǵan ol bul kúnderi О́zbekstannyń atynan synǵa túsedi. Chýsovıtınanyń esimi segiz birdeı Olımpııa oıyndaryna qatysqan tuńǵysh jáne ázirge jalǵyz gımnasshy retinde tarıhta qaldy.
Mine, sol 47 jastaǵy sportshy áli de babynda ekenin baıqatyp, jarysty qola medalmen qorytyndylady. Ol ıtalııalyq Manıla Espozıto men germanııalyq Rýbı Evandy ǵana alǵa jiberdi.