Halyqaralyq áıelder kúni qarsańynda Densaýlyq saqtaý mınıstri Ajar Ǵınııatqa «Áıelderge Úkimette jumys isteý qıyn ba?» degen suraq qoıyldy, dep habarlaıdy Egemen.kz.
«Jalpy memlekettik qyzmette áıelder men erler bólinbeıdi. Belgili bir mindetti arqalaǵan memlekettik qyzmetkerler bar, biz óz qyzmetimizdi atqaramyz. Men jumys isteımin jáne maǵan qıyn emes», dep jaýap berdi mınıstr Úkimet otyrysy kýlýarynda jýrnalısterdiń suraǵyna.
Sonymen qatar vedomstvo basshysy óziniń jumys kestesi men kúndelikti jumys tártibimen bólisti.
«Bizde, memlekettik qyzmetkerlerdiń jumys ýaqyty turaqty emes. Tańǵy 8-den keshki 9-10-ǵa deıin bolýy múmkin. Demalys kúnderi de jumys isteımiz. Eger tapsyrmalar oryndalsa, demalys kúnderi demalýǵa bolady. Al jumys kóp bolsa, onda jumys isteý kerek», dep túsindirdi ol.