2022 jyldan bastap Ulttyq statıstıka bıýrosynyń mamandary ózin-ózi jumyspen qamtyǵan qazaqstandyqtar arasynda eń baı adamdardy anyqtaý shkalasyna ózgeris engizdi. Qazir aýqatty kásipkerler men táýelsiz jumysshylar sanatyna ený úshin 2021 jylǵydaı 500 myń teńge emes, 1 mln teńge tabys bolýy kerek, dep habarlaıdy Egemen.kz.
Qazaqstanda barlyǵy 8,9 mln jumyspen qamtylǵan adam bar. Onyń 6,8 mln-y jaldamaly jumysshylar, 2,1 mln-y ózin-ózi jumyspen qamtyǵandar. Ulttyq statıstıka bıýrosynyń mamandary sońǵy sanatqa jeke kásipkerlerdi, ár túrli jeke seriktestikter quryltaıshylary qatysýshylaryn, óndiristik kooperatıvterdiń múshelerin, jeke jumys isteıtin adamdar men jeke sharýashylyq ónimin satatyndardy jatqyzady.
Jalpy Qazaqstandaǵy ózin-ózi jumyspen qamtyǵandardyń tabysy máz emes. Osy sanattaǵylardyń 24,8%-y (528,9 myń adam) byltyrǵy tórtinshi toqsanda aıyna 60 myń teńgeden 100 myń teńgege deıin tabys tapqan. Taǵy 358,9 myń azamat eń tómengi jalaqydan tómen tabys tapty: 37,4 myń teńgeden 60 myń teńgege deıin. Taǵy jarty mln-ǵa jýyq ózin-ózi jumyspen qamtyǵandardyń tabysy 100 myń teńgeden 150 myń teńgege deıin boldy. Osylaısha, ózin-ózi jumyspen qamtyǵandardyń jalpy sanynda medıanalyq tabystan (204 myń teńge) aıtarlyqtaı tómen jalaqy alatyn táýelsiz jumysshylar basym boldy: 81,4% nemese 1,7 mln azamat.
Tabysy 500 myń teńgeden asatyn aýqatty kásipkerlerdiń úlesi az bolyp shyqty: bar bolǵany 1% nemese 22,3 myń adam. Onyń teń jartysy jalaqysy 500 myń teńgeden 800 myń teńgege deıin (10,3 myń adam). 2022 jyldyń qazan –jeltoqsan aılarynda ózin-ózi jumyspen qamtyǵan 6 myńǵa jýyq qazaqstandyq aıyna 800 myń teńgeden 1 mln teńgege deıin alsa, osynshama adam mıllıoner bolyp esepteldi. 2022 jyldyń birinshi toqsanynda tabysy 1 mln teńgeden kóp ózin-ózi jumyspen qamtyǵan azamattar birneshe ese azaıdy: bar bolǵany 1,2 myń adam.
Mıllıoner kásipkerlerdiń óńirler boıynsha sany birkelki emes. Tabysy 1 mln teńgeden kóp barlyq tirkelgen ózin-ózi jumyspen qamtýshylardyń 89%-y almatylyqtar (5,3 myń adam) boldy. Taǵy 9%-y, ıaǵnı 541 adam Astana qalasy men Aqmola oblysynda turady. О́te az úles (shamamen 2%) Mańǵystaý jáne Ulytaý óńirlerinde. Basqa óńirlerde mıllıondaǵan tabysy bar ózin-ózi jumyspen qamtyǵandar joq.
Sanattaǵy barlyq azamattardyń 95,1%-y qala turǵyndary (5,7 myń adam) bolyp shyqty. Tek 293 adam (4,9%) aýylda kásippen aınalysyp, 1 mln teńge tabysqa qol jetkizgen.
Mıllıonerlerdiń jartysyna jýyǵy saýda salasynda jumys isteý arqyly osyndaı joǵary tabysqa qol jetkizgen (44,8%). Tabysy 1 mln teńgeden kóp ózin-ózi jumyspen qamtyǵandardyń 21%-dan astamy jyljymaıtyn múlik salasynda bıznes ıeleri nemese táýelsiz sarapshylar boldy. Qurylys salasy úshinshi orynda (13,3%). Mıllıondaǵan tabysy bar ózin-ózi jumyspen qamtyǵandar eń az sala aýyl, orman jáne balyq sharýashylyǵy (1,2%).
Shveısarııalyq Credit Suisse (CS) bankiniń álemniń ártúrli elderindegi ál-aýqat deńgeıi týraly Global Wealth Report 2022 analıtıkalyq esebiniń derekterine súıensek, 2021 jyldyń sońyna qaraı Qazaqstandaǵy dollarlyq mıllıonerlerdiń úlesi respýblıkanyń eresek turǵyndarynyń 0,3%-yn qurady. Absolıýtti túrde bul 36,9 myń adam. 2020 jylmen salystyrǵanda mundaı deńgeıdegi qazaqstandyqtardyń sany 50,9% ósti. Pandemııanyń birinshi jylynda baılyǵyn mıllıondaǵan AQSh dollarymen ólsheıtin baılar, derekkózge súıensek, elde 24,5 myń adam bolǵan.