QR Eńbek jáne halyqty áleýmettik qorǵaý mınıstrligi (budan ári – EHÁQM) alynatyn zeınetaqy jáne áleýmettik tólemder, járdemaqylar týraly anyqtama berý prosesin avtomattandyrdy. Endi bul qyzmet ekinshi deńgeıli bankterdiń (budan ári – EDB) mobıldi qosymshalary arqyly qoljetimdi boldy, dep habarlaıdy Egemen.kz.
Qyzmetti avtomattandyrý qajettiligi úlken suranysqa ıe boldy – tek 2022 jyly 210 myńnan astam adam anyqtama aldy.
EHÁQM EDB-men birlesip 15 mınýt ishinde mobıldi qosymshalar arqyly elektrondyq formatta qyzyǵýshylyq týdyratyn derekterdi alý múmkindigi iske asyryldy.
Anyqtamanyń sıfrlyq nusqasynda alynǵan jáne belsendi tólemderdiń mólsheri týraly aqparat bar. Kórsetiletin qyzmetti alýshy 2016 jyldan bastap kez kelgen kezeńdi tańdaı alady (eń joǵary kezeń – 3 jyl).
Qazirgi ýaqytta qyzmet «Qazaqstan Halyq Banki» AQ mobıldi qosymshasynda qoljetimdi boldy. Jaqyn arada osy aqparatty alý múmkindigin «Kaspi Bank»AQ qosymshasynda iske asyrý josparlanyp otyr.
Mobıldi qosymsha arqyly alynǵan járdemaqylar, zeınetaqy jáne áleýmettik tólemder týraly anyqtama berý aqparat alý prosesin jeńildetedi jáne ońaılatady, sonymen qatar memlekettik bıýdjetti aıtarlyqtaı únemdeıdi.