Qazaqstanda sheteldikterden týrıstik jarnany esepteý prınsıpi qaıta qaralady, dep habarlaıdy Egemen.kz Aqparat jáne qoǵamdyq damý mınıstrliginiń baspasóz qyzmetine silteme jasap.
2022 jyldyń 1 qańtarynan bastap Qazaqstanda sheteldik týrısterden mindetti jarna — bed tax engizildi. О́tken jyly ol alynbady, al 2023 jyldyń basynda bizdiń elimizdiń 30-dan astam qalalary men aýdandarynda 1%-dan 5%-ǵa deıingi mólsherlemeler bekitildi.
Alaıda, QR Mádenıet jáne sport mınıstrliginiń kásipkerlermen jáne qonaq úı bıznesiniń ókilderimen kezdesýleriniń qorytyndysy boıynsha týrıstik jarnanyń mólsherin qaıta qaraý týraly sheshim qabyldandy. Ol paıyzdyq araqatynasta emes, AEK-ke saı esepteledi.
Máselen, Astana, Almaty jáne Shymkent qalalarynda bed tax 0,5 AEK, qalǵan óńirlerde — 0,2 AEK quraıdy.
«Bıznes ókilderi qoldanystaǵy tártipke ózgerister engizý boıynsha kóptegen tartymdy usynystar berdi. Biz kásipkerlerdi tyńdap, jarnany esepteýdiń jańa qaǵıdatyn qosa alǵanda birqatar túzetýler ázirledik», dedi Mádenıet jáne sport vıse-mınıstri Erjan Erkinbaev.