Túrkııa prezıdenti Rejep Taıyp Erdoǵan 14 mamyrda prezıdent jáne parlament saılaýyn ótkizý týraly sheshimin rastady, dep habarlaıdy Egemen.kz.
«Ýaqyt taıap qaldy. 14 mamyrda halqymyz talap etiletin nárseni jasaıdy dep senemin», dedi Túrkııa basshysy.
Buǵan deıin Habertürk Túrkııadaǵy jalpy saılaýdyń alty aıdan bir jylǵa shegerilýi múmkin ekenin habarlaǵan edi. Túrkııa prezıdenti Rejep Taıyp Erdoǵan eldegi jalpy saılaý 2023 jyldyń 14 mamyrynda, ıaǵnı merziminen bir aı buryn ótýi múmkin ekenin aıtty.
Buǵan deıin elde bolǵan joıqyn jer silkinisine baılanysty saılaý keıinge shegerilýi múmkin ekeni aıtylǵan bolatyn.
Eske sala ketsek, 6 aqpanda Túrkııada birqatar jer silkinisi bolyp, 14 mıllıon adam zardap shekti.