QR Premer-Mınıstriniń orynbasary – Qarjy mınıstri Erulan Jamaýbaev Salyq kodeksine sán-saltanat salyǵy týraly normany qosý máselesine qatysty túsinikteme berdi, dep habarlaıdy Egemen.kz.
Jýyrda jańa Salyq kodeksine sán-saltanat salyǵyn engiziledi degen habar tarady. Qazaqstan azamattary jańa salyq túrine qatysty pikirlerin ortaǵa salyp, áleýmettik jelilerde keńinen talqylaǵan edi.
Mınıstrdiń aıtýynsha, bul másele Úkimette de jan-jaqty qaralyp jatyr.
«Qazir sán-saltanat salyǵyna qatysty talqylaýlar júrip jatyr. Bul norma jańa Salyq kodeksiniń jobasyna enedi», dedi Erulan Jamaýbaev jýrnalısterdiń suraǵyna jaýap bere otyryp.
Onyń aıtýynsha, talqylaýǵa kásipkerler, Parlament depýtattary jáne memlekettik organdardyń ókilderi qatysyp otyr.
Dese de, mınıstr atap ótkendeı, sán-saltanat salyǵyn esepteýdiń tıisti mejesi áli naqtylanbaǵan.