Mańǵystaý oblystyq polısııa departamentiniń qyzmetkerleri 41 jastaǵy kúdiktini ustady, dep habarlaıdy Egemen.kz.
Tártip saqshylary kóliktiń salonyn tintý kezinde aldyńǵy oryndyqta marıhýanaǵa uqsas ósimdik tektes zaty bar polıetılen paketin jáne 14 býma esirtki zatyn tapty. Esirtkiniń jalpy salmaǵy 1,5 kg boldy.
Kúdiktiniń tanysyna tıesili «Mercedes-Benz E-190» avtokóligin tintý kezinde taǵy 55 keli esirtki tektes zat tárkilendi.
Atalǵan fakti QR QK-niń 296-babynyń 4-bóligi «Esirtki, psıhotroptyq zattardy, sol tektesterdi asa iri kólemde ótkizý maqsatynda zańsyz paıdalaný» boıynsha tirkeldi. Tárkilengen zattardy zertteý úshin sot-hımııalyq saraptama taǵaıyndaldy. Qajetti tergeý sharalary júrgizilip jatyr.
Kúdikti ýaqytsha ustaý ızolıatoryna qamaldy.