2017 jyly alǵash ret bul isti qolǵa alǵan kórshi eldiń zertteýshileri búginde janýar klondaýdy ár túrli maqsatta qoldanyp júr, dep habarlaıdy Egemen.kz «Habar 24» arnasyna silteme jasap.
Súıikti janýarlarynan aırylyp qalǵan, aspan asty eliniń turǵyndary jyl saıyn klondaý qyzmetine júginetin kórinedi. Bir qyzyǵy bul úrdiske ýaqyt ótken saıyn suranys tek artyp keledi.
Qytaıda tórt aıaqty janýardy «qaıta tiriltý» úshin shamamen 30-40 myń dollar qajet. Ol úshin DNQ prototıpke tolyǵymen sáıkes keletin kishkentaı jasýsha qoldanylady. Al janýardyń «ómirge qasta kelýi» úshin 10 aı ýaqyt qajet. «2017 jyly bizde alǵash ret klondalǵan úı janýary dúnıege keldi. Sodan beri 6 jylda birneshe júz ıt-mysyqty klondadyq. Jalpy, Qytaıdaǵy bul sala tabysty damyp keledi. Bizdiń qyzmetimizge júgingen azamattarmen únemi baılanystamyz. Olardyń bizdiń qyzmetke berip otyrǵan baǵasy joǵary», dedi «Sinogene» kompanııasynyń prezıdenti Mı Szıdýn.