Búgin, 3 naýryzda Qurlyq áskerleri Áskerı ınstıtýtynyń oqý-jattyǵý ortalyǵynyń qaraýyl beketinde 1-kýrs kýrsanty kóz jumdy, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Atalǵan fakti boıynsha sotqa deıingi tergeý bastaldy. Oqıǵanyń sebepteri men mán-jaıyn anyqtaý úshin Qazaqstan Respýblıkasy Qurlyq áskerleri bas qolbasshysynyń birinshi orynbasary bastaǵan arnaıy komıssııa jiberildi. Qazaqstan Respýblıkasy Qylmystyq-prosestik kodeksiniń 201-babyna sáıkes ózge de málimetter tergeý múddesi úshin jarııa etilýge jatpaıdy.
Qarýly Kúshterdiń qolbasshylyǵy men jeke quramy marqumnyń týǵan-týystary men jaqyndaryna kóńil aıtady.