Bul týraly Almaty ákimi Medeý aýdanynyń turǵyndarymen kezdesýde aıtty, dep habarlaıdy Egemen.kz.
Almaty ákimi Erbolat Dosaevtyń halyqpen kezekti kezdesýi Medeý aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 350-den astam adam keldi.
Aýdanda ınjenerlik jáne kólik ınfraqurylymyn modernızasııalaý máselesi ózekti bolyp qala beredi. О́tken jyly 5,4 km sýmen jabdyqtaý jáne káriz jelileri salyndy. 2023 jyly taǵy 64,7 km salý josparlanǵan, nátıjesinde alty shaǵyn aýdannyń 19 myńnan astam turǵyny qajetti kommýnıkasııalarǵa qoljetkize alady. Budan basqa, Dýman sh / a-da 14 km sý qubyry jáne káriz jelilerin salýǵa JSQ ázirlenip jatyr. Sondaı-aq osy jyldyń sońyna deıin Tasty ústirt, Kólsaı, Muztaý jáne Ońtústik shaǵyn aýdandaryn sapaly aýyz sýmen qamtamasyz etý úshin 4 jańa sý kózderin salý jáne «Balqash» rezervýarlary men sorǵy stansııasyn tolyq rekonstrýksııalaý josparlanyp otyr.
О́tken jyly 27 shaqyrymnan astam jol jóndelip, 18 shaqyrymnan astam trotýar jasaldy. 2023 jyly 37 kóshede taǵy 32 shaqyrym joldy jóndeý, aǵymdaǵy jóndeýmen 50 myń sharshy metrdi qamtý josparlanýda. Jyljymaly quramdy jańartý úshin bıyl 8 baǵytta 126 avtobýs qarastyrylǵan.
Almaty ákimi aýdannyń qoǵamdyq qaýipsizdigin qamtamasyz etý sharalary týraly máselelerge toqtaldy. Tájirıbe kórsetkendeı, aýdandaǵy qylmystardyń 80% - y beınebaqylaý kameralary arqyly ashylady. Bıyl Almatyda 6000-nan astam kamera ornatý josparlanǵan, onyń 755-i Medeý aýdanynda bolady. Qazirgi ýaqytta olardy ornatý úshin kósheler tizimi daıyndalyp jatyr.
Oqýshy oryndarynyń tapshylyǵyn azaıtý úshin bıyl №48 mekteptiń janynan 250 oryndyq qosalqy nysandy qaıta jańartý jáne №131 mektepti seısmıkalyq kúsheıtýmen kúrdeli jóndeý aıaqtalady. «Jaıly mektep» ulttyq jobasy aıasynda «Shyǵys qaqpasy» jańa polısııa ortalyǵynyń aýmaǵynda 2000 oryndyq jańa mektep salynady.
Aýdanda mektepke deıingi tárbıeni uıymdastyrýǵa, sondaı-aq balalardy saýyqtyrýǵa kóp kóńil bólinedi. Bıyl 2 balabaqshany kúrdeli jóndeý josparlanǵan. Osy jyldyń ekinshi toqsanynda Alataý sh / a-da dene shynyqtyrý-saýyqtyrý kesheniniń ashylýy josparlanǵan.
Medısınalyq qyzmet kórsetýdiń qadamdyq qoljetimdiligin qamtamasyz etý úshin osy jyldyń qańtar aıynda aýysymda 200 adam qabyldaıtyn otbasylyq-dárigerlik ambýlatorııa jáne 2 feldsherlik-ambýlatorııalyq pýnkt ashyldy, bul Kensaı, Kólsaı jáne Sulýsaı shaǵyn aýdandarynyń 15 myńnan astam turǵynyn medısınalyq qyzmet kórsetýmen qamtamasyz etýge múmkindik berdi.
Aýdan turǵyndaryn jaıly ómir súrý ortasyn jetildirý jáne abattandyrý máseleleri tolǵandyrady. О́tken jyly Oqýshylar saraıynyń janyndaǵy skverdi abattandyrý jáne kógaldandyrý jumystary júrgizildi. Memlekettik murajaıdyń janyndaǵy saıabaqty qaıta qurý jalǵasýda.
«Halyq qatysatyn bıýdjet» baǵdarlamasy boıynsha ótken jyly 19 joba iske asyrylyp, 20 aýla men Kishi Almaty ózeniniń jaǵalaýy abattandyryldy.
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t. b. máselelerdi kóterdi.