Otandyq týrızm ındýstrııasynyń ókilderi 7-9 naýryz aralyǵynda Germanııa astanasynda ótken ITB Berlin Halyqaralyq týrıstik kórmesine qatysty. Is-shara pandemııaǵa baılanysty úsh jyldyq úzilisten keıin alǵash ret ótti, dep habarlaıdy Egemen.kz.
«Kazakh Tourism UK» AQ uıymdastyrǵan stend qonaqtardyń erekshe nazary men qyzyǵýshylyǵyna bólendi. Kórmeni tamashalaýǵa kelgen qonaqtarǵa otandyq qolóner sheberleri men sýretshilerdiń tabıǵı materıaldardan jasalǵan áshekeılerimen bezendirilgen qazaqtyń kıiz úıi erekshe unady.
Zamanaýı ulttyq taǵamdarymyz da kelýshilerdiń kóńilinen shyqty. Qazaqstandyq delegasııanyń basym bóligin otandyq týrbıznes mamandary qurady. Berlındegi kórmege qazaqstandyq týrıstik kompanııalar men qonaqúılerdiń 30 ókili qatysty.
«Bul kórmede bizdiń týrbıznes ókilderi bolashaq seriktestermen iskerlik baılanys ornatady. Bizdiń stend kelýshiler tarapynan Qazaqstanǵa úlken qyzyǵýshylyq týdyrdy. Sonymen qatar Kazakh Tourism elimizge nemis týrısterin tartý baǵytynda eń iri halyqaralyq týrıstik birlestikterdiń biri - PATA óńirlik ókildigimen tyǵyz jumys isteýdi josparlap otyr», dedi «Kazakh Tourism UK» AQ Basqarma tóraǵasy Talǵat Amanbaev.
Aıta keteıik, ITB Berlin - týrızm salasyndaǵy uıymdar úshin álemdegi eń iri B2B kórme bolyp sanalady.