Almaty polısııasy ınternettegi alaıaqtyqtyń jańa túri týraly aıtty, dep habarlaıdy Egemen.kz Polisia.kz basylymyna silteme jasap.
Qalanyń krımınaldyq polısııasy arnaıy tehnıka ınternet-trafıkti paıdalana otyryp, basqa elderden kelgen qaskóıler vırtýaldy nómirlerge ıe bolatyn belgili bir saıtqa qosylatynyn aıtty.
«Olar ártúrli veb-saıttarda, áleýmettik jelilerde jáne qyzmet kórsetý platformalarynda tirkelý úshin jeke derekteri men abonenttik nómirlerin jasyrý maqsatynda fızıkalyq túrde SIM-box uıashyqtarynda bolady. Alaıaqtar vırtýaldy SIM-box nómirlerin paıdalanyp, ańǵal azamattardy aldaıdy: olar jeke kabınetti tirkeı otyryp, kez kelgen ónimdi satý týraly ártúrli jarnamalardy jarııalaıdy, sodan keıin satyp alýshy qyzyǵýshylyq tanytsa, sheteldik bank kartalaryn usyna otyryp, aldyn ala tólem jiberýin suraıdy. Alaıda aqshany alǵan boıda, olar jasyrynyp, jarnamany óshiredi», deıdi Almaty qalalyq polısııa departamenti bastyǵynyń orynbasary Dıdar Ahanov.