QR Prezıdenti janyndaǵy Ortalyq kommýnıkasııalar qyzmetinde ótken baspasóz konferensııasynda Qazaqstan Respýblıkasy Syrtqy ister mınıstriniń orynbasary Roman Vasılenko eýropalyq baǵytta júrgizilip jatqan jumys barysy men Qazaqstan-Eýropa yntymaqtastyǵynyń keleshegi týraly aıtyp berdi, dep habarlaıdy Egemen.kz.
Qazaqstan men EO arasyndaǵy yntymaqtastyqtyń joǵary deńgeıi ekonomıkalyq salada áleýetti iske asyrý úshin qolaıly jaǵdaılar qalyptastyrdy. Eýropalyq odaq – Qazaqstannyń eń iri jáne mańyzdy saýda seriktesi, onyń úlesine eldiń syrtqy saýdasynyń shamamen 30 paıyzy tıesili. 2022 jylǵy taýar aınalymynyń kólemi 2021 jylǵy kórsetkishten 27, paıyzǵa ósip, 40 mlrd AQSh dollar (eksport – 32,3 mlrd, ımport – 7,6 mlrd) qurady. EO elderimen ınvestısııalyq yntymaqtastyq ta jańa sapaly deńgeıge kóterilýde. 2022 jyldyń 9 aıynda ınvestısııalar aǵyny 10 paıyzǵa ósip, 8 mlrd AQSh dollardy qurady.
«Qazaqstannyń Eýropamen ózara árekettesýi táýelsizdik jyldarynda elimizdiń kópvektorly, pragmatıkalyq jáne teńgerimdi syrtqy saıasatynyń negizgi komponentteriniń biri bolyp qala beredi. 2020 jylǵy naýryzdaǵy Prezıdent Qasym-Jomart Toqaev óz jarlyǵynda 2020-2030 jyldarǵa arnalǵan Syrtqy saıasat tujyrymdamasynyń Eýropalyq odaqpen jáne eýropalyq memlekettermen yntymaqtastyqty odan ári damytý mańyzdy basymdyqtardyń biri retinde bekitti», dedi Syrtqy ister mınıstriniń orynbasary R. Vasılenko.
Qazaqstan men Eýropalyq odaq KÁYK-ty tolyq iske asyrý maqsatynda ózara tıimdi ekijaqty qatynastardy odan ári damytýǵa jáne nyǵaıtýǵa berik ustanymyn saqtap otyr.
«О́tken jyly óńirimizde jáne álemde bolǵan eleýli geosaıası jáne geoekonomıkalyq silkinisterge qaramastan, Eýropamen qarym-qatynasymyzdyń deńgeıi kóterilip, onyń máni arta tústi. Bizdiń Memleket basshysynan bastap, Eýropalyq odaq ınstıtýttarynyń jáne jetekshi eýropalyq memleketterdiń basshylarymen barlyq deńgeıdegi saıası dıalogymyz nyǵaıa tústi. Atap aıtqanda, Astanaǵa Andorra, Germanııa, Gresııa, Polsha, Lıtva, Majarstan jáne basqa da Eýropa elderiniń syrtqy ister jáne kólik mınıstrleri keldi. О́z kezeginde, QR Premer-Mınıstriniń orynbasary – Syrtqy ister mınıstri Muhtar Tileýberdi Ulybrıtanııaǵa, Germanııaǵa, Polshaǵa, Aýstrııaǵa, Lıýksembýrgke, Portýgalııaǵa, Soltústik Makedonııaǵa saparmen baryp, Fransııa, Slovenııa, Kıpr, Norvegııa, Shvesııa men Estonııadaǵy áriptesterimen ekijaqty kelissózder júrgizdi», dep málimdedi R.Vasılenko.
Baspasóz konferensııasynyń sońynda mınıstrdiń orynbasary eýropalyq seriktesterdiń ekijaqty yntymaqtastyqtyń barlyq spektrin ilgeriletýge joǵary qyzyǵýshylyǵyn atap ótti.