Aqtóbe oblysy, Temir aýdanyndaǵy Shubarqudyq eldi mekeninde sý deńgeıi kóterile bastaǵan. Jergilikti ákimdik jaǵdaıdyń aldyn aldy, dep habarlaıdy Egemen.kz.
Temir aýdany Shubarqudyq aýyldyq okrýginiń ákimi Qaırat Nuraly Shubarqudyq kentinde qatty jaýyn-shashyn men aýa raıynyń kúrt jylyný saldarynan sý basqan eldimekendegi jaǵdaıdy baıandady.
Qazirgi tańda kireberiste asfalt jolynynan asyp aqqan sýlar toqtatylǵan. Sonymen qatar jol kompanııasynyń merdigerlerimen FBS 80 sheben materıaldary qazylyp qalǵan oryndarǵa tóselýde.
«Tolasyz jańbyr jaýyp, artynsha qar erı bastaǵan soń sý deńgeıi kóterilip, kóshelerdi sý basty. Aýyldyń kireberisin de birtalaı sý basyp qaldy. Tıisti sharalardy qabyldap jatyrmyz. Qazir jaǵdaı qalypty», dedi ákim.