Elimizde merekelik kúnderdiń qatary taǵy eki meırammen tolyqty. Bul týraly Úkimettiń resmı saıtynda jarııalandy, dep habarlady Egemen.kz.
Qazaqstan Respýblıkasy Úkimetiniń 9 naýryzdaǵy qaýlysy boıynsha «Qazaqstan Respýblıkasyndaǵy merekelik kúnderdiń tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy №689 qaýlysyna ózgerister engizildi.
«Kórsetilgen qaýlymen bekitilgen Qazaqstan Respýblıkasyndaǵy merekelik kúnderdiń tizbesinde 35 jáne 36-tarmaqtar mynadaı redaksııada jazylsyn: Muǵalim kúni – 5 qazan, Qorǵanys ónerkásibi qyzmetkerleri kúni – 6 qazan. Osy qaýly alǵashqy resmı jarııalanǵan kúninen keıin qoldanysqa engiziledi», delingen habarlamada.