Amal merekesi qutty bolsyn! Amal kelgende aǵaıyn-týys qystan aman shyqtyq dep kórisedi. Abaı Qunanbaıuly aıtqandaı, qyrdaǵy el oıdaǵy elmen aralasatyn shaq. Túrki halqynyń jańa jyly kóktemde bastalady. Jer býsanyp tirshiliktiń jańaratyn kezi osy.
Jazǵytury qalmaıdy qystyń syzy,Masatydaı qulpyrar jerdiń júzi.Jan-janýar, adamzat antalasa,Ata-anadaı eljirer kúnniń kózi.
Jazdyń kórki enedi jyl qusymen,Jaırańdasyp jas kúler qurbysymen.Kórden jańa turǵandaı kempir men shal,Jalbańdasar óziniń turǵysymen.
Qyrdaǵy el oıdaǵy elmen aralasyp,Kúlimdesip, kórisip, qushaqtasyp.Sharýa qýǵan jastardyń moıyny bosap,Sybyrlasyp, syrlasyp, maýqyn basyp.
Túıe bozdap, qoı qozdap - qora da shý,Kóbelekpen, quspenen saı da dý-dý.Gúl men aǵash maıysyp qaraǵanda,Sybdyr qaǵyp, burańdap aǵady sý.
Kól jaǵalaı mamyrlap qý menen qaz,Jumyrtqa izdep, júgirip balalar máz.Ushqyr atpen zyrlatyp tastaǵanda,Jarq-jurq etip iliner kók daýylpaz.Qus qatarlap baılaǵan qanjyǵaǵaQyz burańdap jabysyp, qylady naz.
Jazǵa jaqsy kıiner qyz-kelinshek,Jer júzine óń berer gúl-báısheshek.Qyrda torǵaı saırasa, saıda - bulbul,Tastaǵy únin kosar baıǵyz, kókek.
Jańa pulmen jamyrap saýdagerler,Dıhanshylar jer jyrtyp, egin eger.Sharýanyń bir maly ekeý bolyp,Jańa tólmen kóbeıip, dáýlet óner.
Abaı Qunanbaıuly