Qytaı álemniń barlyq derlik eline eń kóp taýar jetkizetini barshaǵa málim. Endi onlaın satyp alǵan taýarlardy deldalsyz poıyz arqyly jetkizýge múmkindik týdy, dep habarlaıdy Egemen.kz.
«Qazaqstan temir joly» UK» AQ ınternet-dúkenderden satyp alynǵan taýarlardy apta saıyn tasymaldaıtyn tranzıttik poıyz iske qosylǵanyn habarlady.
«Internet arqyly satyp alynǵan taýarlary bar turaqty tranzıttik shattl-poıyz Úrimshi (QHR) baǵyty boıynsha Alashańqaı – Dostyq shekaralyq ótkeli arqyly Reseı baǵytynda, sondaı-aq О́zbekstan men Tájikstanǵa qatynaıtyn bolady. Tasymaldaý uıymdastyrýshysy – KTZ Express «Atasu Logistics» JShS. Júkti mejeli stansııaǵa jetkizý merzimi 7-10 kúndi quraıdy. Turaqty qyzmet kórsetý jıiligi – apta saıyn. Bolashaqta tasymaldaý kólemi ulǵaısa, shattldardy jóneltý jıiligi de ulǵaıady», delingen QTJ baspasóz qyzmeti taratqan habarlamada.