Seısmıkalyq boljam: TJM halyqty dúrlikpeýge shaqyrdy

QR Tótenshe jaǵdaılar mınıstrliginiń resmı ókili Rýslan Imanqulovtyń sózinshe, Tótenshe jaǵdaılar mınıstrliginen eshqandaı hat jiberilgen joq, mınıstr mundaı hatqa qol qoımaǵan.   «Atalmysh hatta jer silkinisine qatysty boljam boldy. Bul boljam jóninde aqparatty ótken jumada QR Tótenshe jaǵdaılar mınıstrligine qarasty Seısmologııa ınstıtýtynyń dırektory Dáýlet Sársenbaev ınstıtýtta ótken brıfıngte taratty, onda osy aptada Almaty qalasy, Almaty jáne Jetisý oblystarynda 3-3,5 ballǵa deıin jer silkinisi boljanǵany aıtylǵan, bul atalǵan óńirler úshin qalypty jaǵdaı. Mundaı jaǵdaıda esh dúrbeleń bolmaýy kerek. Halyqqa bárin málimdep otyramyz», dedi Rýslan Imanqulov.

Vedomstvo ókiliniń aıtýynsha, ótken aptada seısmıkalyq boljaý komıssııasy otyrysynyń qorytyndysy kezinde mamandar jer silkinisine boljam jasaǵan.

«Biz birden saǵat 18:30-da brıfıng uıymdastyryp, qajetti aqparatty tarattyq. Sondyqtan jasyratyn eshteńe joq. Qandaı da bir qajettilik týsa nemese qandaı da bir boljam jasalsa, qajet aqparatty der kezinde jetkizemiz», dep qosty Rýslan Imanqulov.