«Qazgıdromet» RMK usynǵan derekterge sáıkes, soltústik-batys sıklon jyrasy men atmosferalyq fronttardyń áserinen eldiń basym bóliginde jańbyr men qar túrinde jaýyn-shashyn kútiledi.
«Eldiń batysy men shyǵysynda ǵana joǵary qysymdy óristiń áserinen kún jaýyn-shashynsyz ótedi», dep habarlady «Qazgıdromet» baspasóz qyzmeti.
Sınoptıkterdiń boljamyna qaraǵanda, respýblıka boıynsha tuman, jel kúsheıedi, elimizdiń soltústik jartysynda kóktaıǵaq, jaıaý burqasyn, eldiń ońtústik-batysynda, batysynda shańdy daýyl bolady.
Astana qalasynda kóshpeli bult, túnde jáne tańerteń jaýyn-shashyn (kóbinese qar), jaıaý burqasyn kútiledi. Áli de kóktaıǵaq bolady. Ońtústik-batystan soqqan jel soltústik-batysqa aýysyp, ekpini 15-20 m/s deıin jetedi. Aýanyń temperatýrasy túnde -4-6°S, kúndiz 0,-2°S bolady.
Almatyda kún jaýyn-shashynsyz ótedi. Túnde jáne tańerteń tuman túsedi. Jeldiń ekpini 2-7 m/s bolady. Aýanyń temperatýrasy túnde +2+4°S, kúndiz +14+16°S bolady.
Shymkentte de kóshpeli bult kútiledi, alaıda jaýyn-shashyn bolmaıdy. Soltústik-shyǵystan soǵatyn jeldiń ekpini 3-8 m/s jetedi. Aýanyń temperatýrasy túnde +5+7°S, kúndiz +20+22°S bolady.