«Konservatıvtik qozǵalys» jáne «Al-Info» radıkaldy toptarynyń músheleri «batys yqpalyna» qarsy shyqty, dep habarlaıdy Egemen.kz.
EADaily basylymy atap ótkendeı, Tbılısı ortalyǵynda Batys elderiniń destrýktıvti yqpalyna qarsylyq bildirip, sheteldik agentter týraly zańǵa qarsy sherýlerge qatysýshylardy synaǵan «Konservatıvtik qozǵalys» partııasy men «Al-Info» qozǵalysy jaqtastarynyń sherýi ótti.
Belgili bolǵandaı, narazylyq bildirýshiler Grýzııaǵa qatysty syrtqy yqpalǵa qarsy shyǵyp, otbasylyq qundylyqtar men eldegi turaqtylyqty saqtaý úshin sherý uıymdastyrǵan.
«Batys – bizdiń úıimiz emes, tańdaýymyz emes. Bizdiń tańdaýymyz – Grýzııa, biz - Grýzııanyń ótkenimiz, búginimiz jáne bolashaǵymyz», dedi «Konservatıvtik qozǵalys» jetekshileriniń biri Shota Martynenko.
Sherýshiler Eýroodaqtyń týyn julyp, taptap, keıin órtep jibergen.
О́tken aptada parlament ǵımaratynyń aldynda sheteldik agentterge qatysty zań jobasyn qabyldaýǵa qarsy mıtıng ótti. Keıin el parlamenti zań jobasy keri qaıtarylǵanyn habarlady.